Re_construction of Service Register in case of Lost/robbery/missed _SR matters_maintanence

సర్వీస్ రిజిస్టర్ ను ఎలా నిర్వహించాలి.
సర్వీస్ రిజిస్టర్ పోయిన లేదా జాడ తెలియని సందర్భంలో ఎలా పునః నిర్మాణం చేయాలి.?

సర్వీస్ బుక్ 

ఉద్యోగుల సర్వీస్ -రిజిస్టర్  నిర్వహణ:

ప్రభుత్వ ఉద్యోగ- ఉపాధ్యాయుల ఉద్యోగ జీవితంలో కీలక పాత్ర పోషించే సర్వీస్ రిజిస్టర్ను ఎలా నిర్వహించాలి, అందులో ఏ ఏ అంశాలను పొందుపరచాలి ,ఒకవేళ సర్వీస్ బుక్కు పోయినప్పుడు ఏం చేయాలి ఇలాంటి విషయాలను తెలుసుకుందాం.

ఫండమెంటల్ రూల్ 74 కు అనుబంధం-2లో నిర్దేశించిన పారం-10 లో తెలియజేసిన పద్ధతిలో సర్వీసు రిజిస్టర్ ను ఉద్యోగులు నిర్వహించాలి. ( జీవో M.S.No.  200 తేదీ 10- 12- 1999 ప్రకారం)  సర్వీస్ బుక్ లో మొదటి పేజీ నందు ప్రభుత్వ ఉద్యోగి యొక్క పూర్తి పేరును, తండ్రి పేరు, నివాస స్థలం, జాతీయత,పాస్ పోర్టు సైజు ఫోటోను  అంటించి సంబంధిత అధికారి చే అటేస్టేషన్ చేయించాలి. భవిష్యత్తులో సర్వీసు రిజిస్టర్లో నమోదు చేసిన పుట్టిన తేదీని మార్చుటకు వీలులేదు.కాబట్టి అన్ని సర్టిఫికెట్ లను జాగ్రత్తగా పరిశీలించి వివరాలను ముఖ్యముగా పుట్టిన తేదీ ని నమోదు చేయాలి.

(  G.O. M.S.No. 165 తేదీ 21- 4-1984 ప్రకారం )

సర్వీసుబుక్  మొదటి పేజీ నందు ఉద్యోగి యొక్క ట్రెజరీ ఐడిని (ఎంప్లొయ్ Id నెంబర్ ను) నమోదు చేయాలి .

(ఇది G.O.M.S.No.  80 తేదీ 19-3-2008 ప్రకారం.)

మొదటిసారి ఉద్యోగంలో నియమించబడిన సందర్భంలో  అసిస్టెంట్ ఫిజికల్  సర్జన్ చే జారీ చేయబడిన ఫిజికల్ ఫిట్నెస్  సర్టిఫికేట్ యొక్క వివరాలను సర్వీస్ రిజిస్టర్ లో నమోదు చేయాలి .

(G.O. M.S.No. 3 Finance  తేదీ ...-8-1969 ప్రకారం.)

అలాగే ఉద్యోగి యొక్క వైవాహిక వివరాలు,కుటుంబ సభ్యుల వివరాలను  నమోదు చేయాల్సి ఉంటుంది .

సర్వీసు రిజిస్టర్ యొక్క మూడవ పేజీలో ఉద్యోగ యొక్క వివరాలతో పాటు ,ఉద్యోగి ఎత్తు ,విద్యార్హతలు, సర్వీస్ లో చేరిన తర్వాత సంపాదించిన విద్యార్హతలు నమోదు చేయాలి.

పదోన్నతి, ప్రమోషన్, ఆటోమేటిక్ అడ్వాన్స్మెంట్ స్కీము,పే ఫిక్షేషన్  ఇతర వివరాలు అన్నింటిని నమోదు చేయాల్సి ఉంటుంది.

ప్రతి ఉద్యోగి తన హోమ్ టౌన్.  LTC  కొరకు డిక్లరేషన్ ఇవ్వాలి .

అలాంటి వివరాలను కార్యాలయ అధిపతి సర్వీసు రిజిస్టర్ లో నమోదు చేయాలి.

[AP LTC rule no.8 of clause  (b)(i) ]

ఉద్యోగి సి సి ఏ రూల్స్ CCA Rules 1991 ప్రకారం ఏ విధమైన శిక్షలకు గురైన పక్షమున అట్టి పూర్తి వివరములను సర్వీస్ రిజిస్టర్లో నమోదు చేయాలి.

 (ఇది గవర్నమెంట్ మెమో నెంబర్ 51073 తేదీ 19-12-2002 ప్రకారం ) 

ఉద్యోగి  గుణగణాలను , శీలము అనగా క్యారెక్టర్ గురించి సర్వీస్ రిజిస్టర్ లో నమోదు చేయకూడదు.

ఉద్యోగికి సంబంధించిన అతని  సర్వీస్ రిజిస్టర్ ను ప్రతి సంవత్సరము పరిశీలించి, నమోదు కాబడిన వివరాలు సరైనవే అని ఉద్యోగి   ధ్రువపరచుకొనుటకు    అతనికి కార్యాలయాధిపతి   సర్వీస్ రిజిస్టర్ ను   ఇవ్వాలి .

(ఇది G.O. M.S.No. 152 Finance తేదీ 20 5-1969 ప్రకారం)

 ఎన్ జి ఓ NGO  అయిన ఉద్యోగి బదిలీ అయిన సందర్భంలో సంబంధిత ఉద్యోగి సర్వీస్ రిజిస్టరు బదిలీ అయిన కార్యాలయ అధికారికి పోస్టు ద్వారా పంపించాలి .అంతేగాని బదిలీ అయిన ఉద్యోగికి సర్వీసు రిజిస్టర్ ఇచ్చి పంపకూడదు 

( G.O. M.S.No. 722 తేదీ 30-7-1966) 

[G.O. M.S.No.391 తేదీ 7- 11- 1978 ] 

ముఖ్యమైన విషయం ఏమనగా సర్వీస్ రిజిస్టర్ లో ఉద్యోగి సంబంధిన విషయాలను పెన్సిల్తో నమోదు చేయరాదు.  (గవర్నమెంట్ మెమో నెంబర్ 72246 తేదీ 30-7-1966.)

సర్వీస్ రిజిస్టర్ నిర్వహణ - నియమాలు -పద్ధతులు 

ఒకవేళ ఉద్యోగి సర్వీస్ పుస్తకము పోయినట్లు అయితే దానికి పూర్తి బాధ్యత DDO గారే వహిస్తారు. సర్వీస్ బుక్కు కొత్తది ఓపెన్ చేయాలి.ముందుగా సంబంధిత పోలీసు స్టేషన్లో  పోలీస్ రిపోర్టు ఇవ్వవలసి ఉంటుంది .

డూప్లికేట్ సర్వీసు బుకు గాని జిరాక్స్ బుక్ సహాయంతో గానీ కొత్త సర్వీస్ బుక్ ను ఓపెన్ చేయవచ్చు. ఒక ఆఫీసులో చాలామంది ఉద్యోగులు ఉంటే వారి యొక్క సర్వీసు పుస్తకాలను వారి వారి ఇంక్రిమెంట్ నెలల ప్రకారం బీరువాలో భద్రపరచుకోవడం వల్ల పని సులభం అవుతుంది. ఎప్పుడైనా ఉద్యోగికి సర్వీసు పుస్తకం ఇవ్వవలసిన అవసరం ఏర్పడితే ఉద్యోగి నుండి ఒక అర్జీ పత్రము అనగా (అప్లికేషన్ ఫారం) తీసుకోవడం తప్పనిసరి, మరియు అతనికి అందజేసినట్లుగా డిక్లరేషన్ తీసుకోవాలి.

 ఉద్యోగుల సర్వీస్ రిజిస్టర్ యందు క్లుప్త సంతకాలు కాకుండా పూర్తి సంతకాలను చేపించాలి .ఒకవేళ సంతకం కాలంలో పట్టకపోతే చిన్నగా రాయాలి .అని వార్య కారణాలవల్ల ఏదైనా ప్రోసీడింగ్లో తప్పులు జరిగినట్లు భావిస్తే సర్వీస్ రిజిస్టర్ లో రాయబడినప్పుడు దానిని  కొట్టి వేయకూడదు .మళ్ళీ తప్పులు సరి చేస్తూ మరొక ప్రొసీడింగును తీయాల్సి ఉంటుంది. ఉద్యోగులు తమ సర్వీస్ రిజిస్టర్ను తాము స్వతహాగా రాసుకోకపోవడం చాలా మంచిది . లేదా ఎవరైనా నియమాలు తెలిసిన వారితో గాని లేదా వారి వారి సమక్షంలో గాని రాసుకోవడం మంచిది. తప్పులు దొరలకుండా ఉంటుంది. 

*ఉద్యోగులు తమ అర్హతలను హాల్ టికెట్ నెంబర్ తో సహా సర్వీస్ రిజిస్టర్ లో నమోదు చేయించుకోవాలి.*

 బీరువాలో ఉన్న ఉద్యోగి సర్వీసు రిజిస్టర్ గుర్తు ఉండదు .సులభంగా గుర్తుపెట్టుకోడానికి బుక్కు సైడుకు ఉద్యోగి పేరు, ఎంప్లాయ్ ఐడిని రాయడం మంచిది. 

ఉద్యోగి తన ఉద్యోగo లో చేరిన తర్వాత  తన అర్హతలకు మించి చదివినచో ఆ అర్హత వివరాలను హాల్ టికెట్ నెంబర్ తో సహా అన్ని రిజిస్టర్ లో నమోదు  చేయాలి. ప్రతి సంవత్సరము  గ్రూప్ ఇన్సూరెన్స్ కి ప్రీమియం ఏ నెలలో ఎంత కట్ అయింది ,ఎప్పుడు మినహాయింపు అయింది అనే వివరాలు SB రిజిస్టర్ లో నమోదు చేయాలి.

 ఒకవేళ  రివర్శన్ వివరాలు ఉంటే (2009లో కొన్ని జిల్లాలలో ప్రమోషన్ ఇచ్చి తర్వాత పోస్టులు లేవని  రివర్షన్ లు ఇచ్చారు .)

ఒకవేళ  ఉద్యోగి ఇంక్రిమెంట్ లు  నిలుపుదల చేస్తే ఆ వివరాలను కూడా నమోదు చేయాలి .

చైల్డ్ కేర్ సెలవులను తీసుకున్న ప్రతిసారీ సర్వీస్ బుక్ లో నమోదు చేయాలి .అంతేగాక బాలన్స్ చైల్డ్ కేర్ లీవ్ లను కూడా రాయాలి.

ఉద్యోగి తన ఉన్నట్టుగా విద్య కోసం తీసుకున్న సెలవులు తేదీలతో పాటు నమోదు చేయాలి.

(SC, ST లకు కుటుంబం లో మొదటి తరం వారికి ఉన్నత విద్య కోసం రెండు సంవత్సరాల ON DUTY ఇస్తారు.)

అడ్వాన్స్ డీటెయిల్స్ ఇంటి నిర్మాణం కార్ లోన్ కంప్యూటర్ పెళ్లి కొరకు తీసుకునే అడ్వాన్స్ వివరాలు ఈ అడ్వాన్సులు కేవలం ప్రభుత్వ ఉద్యోగులకు మాత్రమే మంజూరు చేయబడును లంచ్ రాష్ట్రస్థాయిలో గాని లేదా జాతీయస్థాయిలో గాని ప్రభుత్వం నుంచి ఏదైనా అవార్డులు గాని రివార్డులు గాని ప్రశంసాపత్రాలు గాని సేవ పథకాలు గాని మెడల్స్ గాని పొందినట్లు అయితే ఆ వివరాలు నమోదు చేయాలి.

రీ కన్స్ట్రక్షన్ ఆఫ్ సర్వీస్ బుక్ ఇన్ కేస్ అఫ్ Lost/Robbery/Missed  

సర్వీస్ రిజిస్టర్ ఉద్యోగికి ఆయువు పట్టు లాంటిది .దానిలో నమోదు చేసిన విషయాల ఆధారంగానే ఉద్యోగి పదవీ విరమణ చేసిన అనంతరము రావలసిన అన్ని రకాల ఆర్థిక సౌలభ్యాలు పొందు అవకాశం ఉంటుంది. అట్టి అత్యంత ప్రాముఖ్యత కలిగిన సర్వీస్ రిజిస్టర్ ఏ కారణం చేతనైనా పోయిన కనిపించకపోయినా లేక అగ్ని ప్రమాదాల వల్ల కాలిపోయిన అట్టి సర్వీసు రిజిస్టర్ను మరలా ఎలా పునర్నిర్మాణం  (Rebuilt or Reconstruction) అను విషయమై ప్రభుత్వము  G.O. M.S.No. 202 F&P తేది 11-06-1980 ద్వారా ఉత్తర్వులు  జారీ చేసింది.

ఉద్యోగి నిర్వహించుకున్న నకలు (Dupicate S.R.)  సర్వీస్ రిజిస్టర్ లో నమోదు చేయబడి ఆటెస్టేషన్ చేసిన విషయాలు ఎంతవరకు నిజం అను విషయాలు సంబంధిత రికార్డ్స్ తోను,   పేబిల్స్,  వేతన స్థిరీకరణ పత్రములు civillians, GPF, APGLI or TSGLI  పదోన్నతికి సంబంధించిన సూచికలు ,ఉద్యోగితోపాటు సహచర ఉద్యోగుల విషయంలో జారీ చేసిన సామూహిక ఉత్తర్వులు, శాఖాధిపతి జారీ చేసిన ఉత్తర్వులు తదితర అంశాలపై అందుబాటులో ఉన్న సమాచారం ఆధారంగా సర్వే రిజిస్టర్ పునర్నిర్మాణము చేయవచ్చును .

ఈ దిగువ విషయంలో నకలు డూప్లికేట్ ఎస్ ఆర్ రిజిస్టరు చట్టబద్ధమైనదిగా పరిగణించబడదు.

అదేవిధంగా ఉద్యోగి తన సర్వీసు విషయాలను గురించి ప్రమాణ పూర్వకంగా సంతకం చేసి వ్రాసి ఇచ్చిన వాంగ్మూలము( Affidavit as Authenticated)  ను పరిశీలించి అట్టి విషయంలను సమాంతర (Collateral) ఉద్యోగుల సాక్షాదారాలు ఉన్నపక్షమున అంగీకరించి పునర్నిర్మాణము చేయుచున్న సర్వే రిజిస్టర్లో నమోదు చేయాలి.[ జీవో ఎంఎస్ నెంబర్ 224 F&P తేది .28-8-1982]

పుట్టిన తేదీ ఉద్యోగ నియామకం తదితర అంశాలకు సంబంధించిన ఉద్యోగి చెంతనున్న వివరాల ఆధారంగా నమోదు చేయవచ్చు .

అదేవిధంగా కార్యాలయంలో మరియు పై అధికారుల కార్యాలయంలోనూ అందుకు సంబంధించిన కాపీల ఆధారంగా విషయాలు నమోదు చేయవచ్చు. ఇంక్రిమెంట్ రిజిస్టర్ ను కార్యాలయంలో నిర్వహిస్తున్న యెడల అట్టి రిజిస్టర్ ఆధారంగా విషయాలను నమోదు చేయవచ్చు. పుట్టిన తేదీ, విద్యార్థులు, ఉద్యోగి ఇతరత్రా వివరాలు విద్యాశాఖ వారు జారీ చేసిన సర్టిఫికెట్స్ ఆధారంగా సరిచూచి సర్వీస్ రిజిస్టర్లో నమోదు చేయవచ్చు. అదేవిధంగా ఉద్యోగం కోసం సర్వీసు కమిషన్ వారికి అభ్యర్థి పెట్టుకున్న దరఖాస్తు ఆధారంగా కూడా సరిచూసుకోవచ్చును. ఉద్యోగికి సంబంధించిన సర్వీసు వివరములు కొంతకాలం మేరకు తెలుసుకొనుటకు అవకాశం లేని పక్షమున ,శాఖాధికారి ,ఉద్యోగి అట్టికాలంలో  సర్వీసులో ఉన్నాడని, సస్పెన్షన్ లో లేడని అదేవిధంగా Extra Ordinary Leave లో లేడని ఒక సర్టిఫికెట్ జారీ చేయవచ్చును. కానీ అట్టి సర్టిఫికెట్ సాక్ష్యాధారములతో కూడిన వాటి మూలాంశాల ఆధారంగా ఉండవలెను.